ಬಾ ತಾಯೆ ಸರಸತಿಯೆ

ನಿಲಯವೇನ್ ಆಲಯವೇನ್ ನಿನಗೆ

ತಾಯಿ ಸರಸತಿಯ

ನಿಲಯದೊಳು ನಲಿದು ಬಾ

ಆಲಯದೊಳು ಉಲಿದು ಬಾ

ಪಾಮರ ನಾ ಬೇಡುತಿಹೆ

ನಾಲಿಗೆಯೊಳು ಒಲಿದು ಬಾ

ಬಾ ತಾಯೆ ಸರಸತಿಯೆ, ಸರಸಿಜಾತನ ಸತಿಯೆ

ಶ್ವೇತ ಕಮಲದಿ ನಗುತ ಕುಳಿತು

ಮಾನಸ ಮಲ್ಲಿಗೆ ಕೊರಳಲಿ ಧರಿಸಿ

ಹೊನ್ನ ವೀಣೆಯ ಪಿಡಿದು ಕಯ್ಯೊಳು

ಸೊಗಸಾದ ಸ್ವರವ ಮೀಟಿ ನನ್ನೊಳು

ಇಂಪು ನಾದವ ಹೊರಹೊಮ್ಮಿಸು ಬಾ

ಶುದ್ಧ ಶ್ರುತಿಯ ನೀನು ನುಡಿಸಿ

ಸಪ್ತ ಸ್ವರಗಳೆನಗೆ ಕಲಿಸಿ

ಅಂಧಕಾರವನೆಲ್ಲ ಅಳಿಸಿ

ಈಯುತೆನಗೆ ಎಲ್ಲ ಸಂಪದ

ಶ್ರದ್ಧೆತೈಲವನೆರೆವೆ ಮತಿಗೆ

ಜ್ಞಾನ ದೀವಿಗೆ ಬೆಳಗು ಬಾ