ಮುತ್ತು ತರಲೇ ಮುಗುದೆ ಮೂಗುತಿಗೆ
ಮುತ್ತು ತರಲೇ
ಫಳ ಫಳ ಹೊಳೆಯುವ ಹಾಲಿನ ಮುತ್ತು
ಮಿರಮಿರ ಮಿಂಚುವ ಹೊನ್ನಿನ ಮುತ್ತು
ಅಂದದ ಚಂದದ ಚೆಲುವಿನ ಮುತ್ತು
ಮುತ್ತು ತರಲೇ ಜಮುನೆ ಜುಮುಕಿಗೆ
ಮುತ್ತು ತರಲೇ
ಮನದ ಕಡಲಿನಾಳದಿ ಮುಳುಗಿಹ ಮುತ್ತು
ಎದೆಯ ಚಿಪ್ಪಿನೊಳು ಅಡಗಿಹ ಮುತ್ತು
ಚಂದದ ಕಣ್ಣೊಳು ಮಿನುಗುವ ಮುತ್ತು
ಮುತ್ತು ತರಲೇ ತರಳೆ ಕೊರಳಿಗೆ
ಮುತ್ತು ತರಲೇ
ಅಧರದಿ ಉದುರುವ ಪ್ರೀತಿಯ ಮುತ್ತು
ಎದೆಯೊಳು ಮೊಳೆತಿಹ ಭಾವದ ಮುತ್ತು
ಬಗೆ ಬಗೆ ಬಣ್ಣದ ಕನಸಿನ ಮುತ್ತು
No comments:
Post a Comment