ಬಾ ಗೆಳತಿ

ಕಣ್ಣೊಳಗೆ ಕಣ್ಣನಿಟ್ಟು ಬೆಳಕ ಚೆಲ್ಲಿಬಿಡು

ಮನದಾಳದ ಮೂಲೆಯಲ್ಲಿ ಮಸುಕಾಗಿರುವ

ಬಯಕೆಗಳೆಲ್ಲ ಪ್ರಜ್ವಲಿಸಲಿ

ಗಲ್ಲಕೆ ಗಲ್ಲವನೊತ್ತಿ ಮುದ್ದಿಸು ಬಾ ಗೆಳತಿ

ನಿಶ್ಚೇತವಾಗಿ ಸ್ತಬ್ಧವಾಗಿರುವ

ಆಸೆಗಳೆಲ್ಲ ಚಿಗುರೊಡೆಯಲಿ

ಎದೆಗೆ ಎದೆಯೊತ್ತಿ ಬಾಹುಗಳಲ್ಲಿ ಬಂಧಿಸಿಬಿಡು

ನಿನ್ನೆದೆಯ ಒಲವೆಲ್ಲ

ನನ್ನೆದೆಗೆ ಹರಿದು ಬರಲಿ

ಬಿಗಿದಪ್ಪಿ ಸಿಹಿಮುತ್ತಿನ ಮಳೆಗರೆದುಬಿಡು

ಹಸಿ ಕನಸುಗಳೆಲ್ಲ

ಬೆನ್ನಲ್ಲಿ ಬೆವರಾಗಿ ಇಳಿದು ಬಿಡಲಿ