ಮಳೆಹನಿ

ಆಗಸದಿಂದ ಮಳೆಯದು ಸುರಿದು
ಇಳೆಯನು ತೊಳೆದಿತ್ತು
ಬೆಡಗಿನ ಭೂಮಿಗೆ ಪನ್ನೀರೆರಚಿ
ಕೊಳೆಯನು ಕಳೆದಿತ್ತು

ಕಾಮನಬಿಲ್ಲಿನ ಮೈಯನು ಸವರಿ
ಮಳೆಹನಿ ಇಳಿದಿತ್ತು
ಮಿಂಚಲಿ ಮಿಂದ ರನ್ನದ
ಹರಳಿನ ಅಂದದಿ ಹೊಳೆದಿತ್ತು

ಚಂದದಿ ನಗುವ ಹಸಿರಿನ ಚಿಗುರಿಗೆ
ಮುತ್ತನು ಇಡುತಿತ್ತು
ತನ್ನೊಡಲಿಂದ ಕೋಟಿ ಸೂರ್ಯರ
ಕಾಂತಿಯ ಸೂಸಿತ್ತು

ನೋವನು ಮರೆತ ಹೃದಯವು
ಇಂದು ಸಂತಸ ತಳೆದಿತ್ತು
ನೋಡುತ ನಿಂತ ಮನಸದು
ನಲಿಯುತ ಲೋಕವ ಮರೆತಿತ್ತು

No comments:

Post a Comment