ತಿಂಗಳಮಾಮ ಆಗಸದಲ್ಲಿ
ಫಳ ಫಳ ಹೊಳೆದಿಹ ನೋಡಮ್ಮ
ತೇಲುವ ಬೆಳ್ಳಿಯ ಕಾಸನು
ಹೋಲುತ ಬರುತಿಹ ನನ್ನೆಡೆ ನೋಡಮ್ಮ
ನೆತ್ತಿಯ ಮೇಲೆ ಗರಿಗಳ ಒಳಗೆ
ಇಣುಕುತ ನೋಡುವ ನನ್ನೆಡೆಗೆ
ಹೆಂಚಿನ ಸಂದಿಯ ಕಿಂಡಿಯ ಮಧ್ಯದಿ
ತೋರುತ ನಗುವನು ಚೆನ್ನ ನಗೆ
ನೋಡುತ ಅವನನು ನಲಿಯುತ ಹಾಡುವೆ
ತಿನಿಸನು ಈಗಲೆ ತಿನಿಸಮ್ಮ
ಚಂದದ ಮಾಮನ ನೋಡುತ ನಲಿಯಲಿ
ಅಣ್ಣನ ಇಲ್ಲಿಗೆ ಕರೆಯಮ್ಮ
ಕರೆದರು ಆಟಕೆ ಬಾರದೆ
ಇಹನು ಅವನನು ಕಂಡರೆ ಮುನಿಸಮ್ಮ
ಎಲ್ಲಿಗೆ ಹೋಗಲಿ ಜತೆಗೆಯೆ ಬರುವನು
ಇವನೆಡೆ ಕೋಪವೆ ಇಲ್ಲಮ್ಮ
No comments:
Post a Comment