ಕಾಲದ ಹಾದಿ

ಕಾಲದ ಹಾದಿಯ ತುಂಬಾ ಹೂವು ಮುಳ್ಳು

ಕಾಣದ ನೊರೆಂಟು ತೀಕ್ಷ್ಣ ತಿರುವುಗಳು

ಬಂಧಿಸಿ ಬಿಡಿಸಿಕೊಳ್ಳುವ ಹಲವು ಬಂಧಗಳು

ಆದಿಯಿಲ್ಲದ ಅಂಟು ಅಂತ್ಯವಿಲ್ಲದ ನಂಟು

ಹುಟ್ಟಿಗೊಂದೂರು ಸಾವಿಗೊಂದೂರು

ನಡುವೆ ಬಂದವರೆ ನಮ್ಮವರು

ಹಾಡಿಗೆ ಜತೆಗೂಡಿ ಜಾರಿಕೊಂಡ ಮಿತ್ರರು

ದಾರಿ ತೊರೆದ ದಾಯಾದಿ ಶತ್ರುಗಳು

ಹೃದಯ ಕದ್ದವರು ಎದೆಗೆ ಒದ್ದವರು

ಎಲ್ಲವ ನೆಚ್ಚಿ ಬೆದೆಗೆ ಬಿದ್ದ ಬಯಕೆಗಳು

ನರಳಿ ಹೊರಳಿದ ನೆನಪುಗಳು

ಹೊಸಕಿದ ಕನಸಿನೊಡನೆ ಮಿಸುಕಿದ ಮನಸುಗಳು

ಕಾಲದ ಹಾದಿಯ ತುಂಬಾ ಹೂವು ಮುಳ್ಳು

ಕಾಲದ ಹಾದಿಯ ತುಂಬಾ ಹೂವು ಮುಳ್ಳು