ರಕ್ತ ತರ್ಪಣ

ಯಾರಿಗರ್ಪಣೆ ಈ ರಕ್ತ ತರ್ಪಣ 

ಎಂದು ಮುಗಿವುದೋ ಜಗದ ತಲ್ಲಣ 

ಏತಕಾಗಿ ಕಟ್ಟಿದೆ ಕಂಕಣ?

ಸುಡುಗಂಕಣ ರಣಕಂಕಣ…

ನೆತ್ತರರಿಯುತ್ತಿದೆ ಎತ್ತರದ ಬಾನಲ್ಲಿ ಹಾರಾಡಿ ಹದ್ದು 

ಎತ್ತ ನೋಡಿದರೂ ಗುಂಡು ಗಡಚಿಕ್ಕುವ ಸದ್ದು 

ಸತ್ತು ಬಿದ್ದ ಮುಗ್ದ ಜೀವಗಳಿಗೆ ಅಕಾಲಿಕ ಮುಕ್ತಿ 

ನಗುತಲಿದೆ ದುಷ್ಟರ ಅಟ್ಟಹಾಸದ ವಿಕೃತ ಶಕ್ತಿ 

ನೆತ್ತರೋಕುಳಿಯಲ್ಲಿ ತತ್ತರಿಸಿದ ಯಾರದೋ ಹೃದಯ 

ಇನ್ನೂ ಮಿಡಿಯುತ್ತಿದೆ ಚಿತ್ತಾರದ ಕನಸ ಸುಡುತ 

ಮೊರೆದು ಮೆರೆದಿದೆ ದುಷ್ಟರ ಅಟ್ಟಹಾಸ

ಮೆಟ್ಟಿ ನಿಂತು ಮುಗ್ದ ಮುಖದ ಮಂದಹಾಸ