ಹೂವು ಹಣ್ಣು ಚಂದ್ರಮಂಚ
ಗಂಧದೊಡನೆ ತಂಪು ಗಾಳಿ
ಪ್ರಣಯರಸಕೆ ಕರೆದಿವೆ
ನಮ್ಮಿಬ್ಬರ ಮೆರೆಸಿವೆ
ಅಗುಳಿ ಹಾಕಿ ಕದಕೆ ನಾನು
ಮೆಲ್ಲ ಬಳಿಗೆ ಸರಿದೆನು
ಮೆದುವ ಕೈಯ ಹಿಡಿದು ಅವಳ
ಪಕ್ಕದಲ್ಲೆ ಕುಳಿತೆನು
ತಲೆಯ ಮೇಲೆ ಸೆರಗು ಸರಿಸಿ
ಗಲ್ಲವನ್ನು ಹಿಡಿದು ನಾನು
ಅವಳ ಹೆಸರ ಕೇಳಿದೆ
ಬೇರೆ ಏನು ಹೊಳೆಯದೆ
ಇನ್ನು ನಾಚಿ ನಗುವ ಬೀರಿ
ಕಣ್ಣ ನೋಟ ಕೆಳಗೆ ಇಳಿಸಿ
ತಿಳಿಯದೇನು? ಎಂದಳು
ಮೆಲ್ಲ ಹೆಸರ ನುಡಿದಳು
ಬೆನ್ನ ಮೇಲೆ ಬೆರಳ ಗೀರಿ
ಕಣ್ಣನೋಟ ಬೆರೆಸುತ
ತನುವ ಬಳಸಿ ಕುಳಿತೆನು
ಮುಂದೆ ಹೇಳಲಾರೆನು
ಇರುಳು ಮೆಲ್ಲ ಸರಿಯಿತು
ಕೋಳಿ ಕೂಗ ಹತ್ತಿತು
ಮೆಲ್ಲ ಮುಸುಕು ತೆರೆಯೆ ನಾನು
ಬೆಳ್ಳಿ ಬೆಳಕು ಹರಿಯಿತು
ಪ್ರಖರ ಕಿರಣ ಕಣ್ಣ ಹೊಕ್ಕೆ
ಮತ್ತೆ ಹೊದ್ದು ಮಲಗಿದೆ
ಮಸುಕು ಮಬ್ಬು ಹೀಗೆ ಇರಲಿ
ಎಂದುಕೊಂಡು ಮುದುಡಿದೆ
No comments:
Post a Comment