ಭಾರತಾಂಬೆಯ ಪಾಡು

ಭಾರತಾಂಬೆಯ ಜರಿಯ ಸೀರೆಯ

ಹರಿದು ಹೊಲೆಯುತಿಹರು ಪಕ್ಕದ

ಇಂಗ್ಲಿಷ್ ಆಂಟಿಗೆ ಮಿಡ್ಡಿ, ಫ್ರಾಕು, ಸ್ಕರ್ಟುಗಳ

ಅವಳ ಮೈಮಾಟಕೆ ಬೆರಗಾಗಿ ಕೈ ಹಿಡಿದು

ಕರೆದು ತರುತಿಹರು ಸಿಂಹಾಸನಕೆ

ಹರಿದ ಸೀರೆಯ ಕಿತ್ತ ಮಕ್ಕಳ ಕಂಡು

ಮರುಗುತಿಹಳು, ಮೈ ಮುಚ್ಚುತಿಹಳು ಅಳುದುಳಿದ

ಚಿಂದಿ ಆಯ್ದು ಭಾರತಾಂಬೆ

ಒಮ್ಮೆ ಏಕ ಸಾಮ್ರಾಜ್ನಿಯಾಗಿ ಆಳಿದ

ವೀರ ಮಕ್ಕಳ ತಾಯಿಗೇಕೆ

ಇಂತಹ ಮರಿಮಕ್ಕಳ, ಮೊಮ್ಮಕ್ಕಳ ಜನನ

ಅಯ್ಯೋ ಭಾರತಾಂಬೆಯ ಕುಡಿಗಳೇ

ಇನ್ನಾದರೂ ಎಚ್ಚೆತ್ತುಕೊಳ್ಳಿ, ರಕ್ಷಿಸಿ ನಿಮ್ಮ ತಾಯಿಯ

ಮಾನ, ಗೌರವಗಳ ನಿಮ್ಮ ಪೂರ್ವಜರಂತೆ