ನಂಬಬಹುದೇನೇ?

ನಂಬಬಹುದೇನೇ ತಂಗಿ

ನರಮನುಷರ ನಂಬಬಹುದೇನೇ?

ನರನರ ಮಿಡಿತಕು ನೂರಾರು ತರಹ

ನಖಶಿಖಾಂತದಿ  ಏನೆಲ್ಲ ಕಲಹ

ನಳನಳಿಸುವ ಕಣ್ಣೊಳು ನವಿರಾದ ಕುತಂತ್ರ

ನವಿಲ ನೃತ್ಯದ ತೆರದಿ ಎಂತೆಲ್ಲ ತಂತ್ರ

ನಡೆವ ಹಾದಿಗೆ ಮುಳ್ಳೆಸೆವ

ನಡುನಡುವೆ ಅಲ್ಲಗಳೆವ ಇವರ 

ನಂಬಬಹುದೇನೇ

ನಂದಾದೀಪವ ನಂದಿಪ ಜನರ

ನಂದನವನವನೆ ನುಂಗಿಪ ಈ

ನಯವಂಚಕರ

ನವರಸದಲಿ ಮಿಂದಿಪ ಇವರ

ನವರಂದ್ರದಲು ನಾರುವ ಇವರ

ನಂಬಬಹುದೇನೇ?

ನಂಬದಿರು

ನಂಬಿ ಕೊರಗದಿರು

ನಂಬಿ ನಿನ್ನ ನೆಮ್ಮದಿಯ ನೀನೆ ಕೆಡಿಸದಿರು

ನಂಬಬೇಡವೇ ತಂಗಿ 

ನರಮನುಷರ ನಂಬಬೇಡವೇ