ಅಪರಾಧವ ಮಾಡಿದೆನಯ್ಯ

ಒಂದಪರಾಧವ ಮಾಡಿದೆನಯ್ಯಾ ನಿನ್ನ ಗುಡಿಯ ಹೊಕ್ಕದೆ

ಇನ್ನೊಂದಪರಾಧವ ಮಾಡಿದೆನಯ್ಯಾ ನಿನ್ನ ಕಣ್ತುಂಬಿ ಕೊಳ್ಳದೆ

ಮತ್ತೊಂದಪರಾಧವ ಮಾಡಿದೆನಯ್ಯಾ ಕೈಯ್ಯನೆತ್ತಿ ಮುಗಿಯದೆ

ಮಗದೊಂದಪರಾಧವನೆಸಗಿದೆನಯ್ಯಾ ನಿನ್ನ ಸ್ತುತಿಸಿ ಹಾಡದೆ

ನೂರೊಂದಪರಾಧಕೂ ನಿನದೊಂದೇ ತೆರನಾದ ನಗುವು

ಅರಿಯದ ಕಂದನೆಸಗಿದ ತಪ್ಪಿಗೆ ತಾಯಿ ನಯದಲಿ ನಗುವಂತೆ

ಎನ್ನಪರಾಧವ ಮನ್ನಿಸಿ ನನಗೊಂದವಕಾಶವ ನೀಡಯ್ಯಾ...

ನಿನ್ನ ನಾಮವನನುದಿನ ನುಡಿವಂತೆ

ನಿನ್ನ ಭಕುತರ ಪಾದ ತೊಳೆವಂತೆ

ಪರಂಧಾಮ ನಿನ್ನ ಹೆಸರು ಹೇಳುವಾಗ

ಎನ್ನ ಕೊನೆಯುಸಿರು ನಿಲುವಂತೆ