ಬಾ ಬೆಳಕೇ

ಬಾ ನನ್ನೆದುರಿಂದು ನಲ್ಮೆಯ ಬೆಳಕೇ

ಅಂಧಕಾರವನೆಲ್ಲ ತೊಡೆಯ ಬಾ

ಅಂತಃಕರಣದೊಳಿಂದು ಮಿನುಗು ಬಾ

ಜ್ಞಾನ ಜ್ಯೋತಿಯನಿಂದು ಬೆಳಗು ಬಾ

ನಿನ್ನೊಲುಮೆಯ ಕಣ್ಬೆಳಕಲಿ

ಹೊಳೆಯಬೇಕಿದೆ ನಾನು

ನೀ ತೋರುವ ದಾರಿಯಲಿ

ನಡೆಸಬೇಕಿದೆ ನನ್ನ ನೀನು

ಕಾಲೂರಿ ಕಣ್ಣೊಳಗೆ ಮೆಲ್ಲನಿಳಿದು ಬಾ

ತಳವೂರಿ ಎದೆಯೊಳಗೆ ಹೊಳೆಯ ಬಾ

ದಯಮಾಡಿ ಮನದೊಳಗೆ ನೆಲೆಸು ಬಾ

ಅರಿವೆಂಬ ಸ್ಮೃತಿಯೊಳಗೆ ನಡೆಸು ಬಾ

ನಿನ್ನ ಕಾಂತಿಯಲಿಂದು

ಜಗವ ನೋಡುವ ಬಯಕೆ

ಬಾ ಒಳಗೆ ಓ ಬೆಳಕೆ

ಜಗದ ಸೊಬಗೆನಗೆ ತೋರು ಬಾ