ನಾಟ್ಯದರಸಿ

ಚೆಲುವ ಕಣ್ಣ ಮಿಂಚಿ ಮಿನುಗಿಸಿ

ನಲಿವ ದೇಹ ಬಾಗಿ ಬಳುಕಿಸಿ

ಉಲಿವ ಕೊರಳ ಏರಿಸಿ ಇಳಿಸಿ

ನಲಿಯುತಿಹಳು ನಾಟ್ಯದರಸಿ

ಚಂದ್ರಮುದ್ರೆಯ ತೋರಿ ಹಸ್ತ

ಊರಿ ನೆಲದಿ ಕುಂಭ ಪಾದ

ತ್ರಿಭಂಗಿಯಲ್ಲಿ ನಿಂತು ನಡುವು

ತೋರಿ ವಿವಿಧ ಭಾವ ಭಂಗಿ

ಕುಣಿತಕ್ಹಾರಿದೆ ಕೊರಳ ಹಾರ

ನುಲಿದು ನಲಿದಿದೆ ನೀಳಜಡೆಯು

ಘಲಿರು ಎಂದು ಕಾಲ ಗೆಜ್ಜೆ

ಚಲಿಸುತಿರುವುದು ಅವಳ ಹೆಜ್ಜೆ

ಕಯ್ಯ ಬಳೆಯೆನೆ ಘಲ್ಲು ಘಲ್ಲು

ಗಗನಕ್ಹಾರಿದೆ ಅವಳ ಫಲ್ಲು

ರಾಗ, ತಾಳಕೆ ಭಾವ ಸ್ಪುರಿಸಿ

ನೋಡಿರೆಮ್ಮ ನಲಿವ ನಾಟ್ಯದರಸಿ