ದೇವರಿದ್ದಾನೆ

ದೇವರಿದ್ದಾನೆ... ಹೌದು...
ಅಲ್ಲೆಲ್ಲೋ ದೂರದಲ್ಲಲ್ಲ
ಇಲ್ಲೇ ನಮ್ಮ ಸುತ್ತ ಸುಳಿದಾಡುತ್ತಾ
ನಮ್ಮ ಪ್ರತಿ ನಡೆಯನ್ನು
ಕೂಲಂಕುಷವಾಗಿ ಅವಲೋಕಿಸುತ್ತಾ...

ಅಂದುಆಡಿದ್ದಕ್ಕೆ ಬೈದುಬಯಸಿದ್ದಕ್ಕೆ
ಪಾಪಪುಣ್ಯಗಳ ಲೆಕ್ಕವಿರಿಸುತ್ತಾ
ಸಮಯ ಬಂದಾಗ ಲೆಕ್ಕತಪ್ಪಿಸದೇ
ಹಿಂದಿರುಗಿಸುತ್ತಾ...

ಅವನ ಲೆಕ್ಕ ಎಳ್ಳಷ್ಟೂ ತಪ್ಪುವುದಿಲ್ಲ
ಯರುಯಾರಿಗೆ ಎಷ್ಟು ಸಲ್ಲಬೇಕೋ
ಅಷ್ಟೇ ಅನುದಾನ ಅನುಕಂಪ
ಸತ್ಕಾರ್ಯಕ್ಕೆ ಕೇಳದೆಯೇ ಸಲ್ಲುವುದು ಕಪ್ಪ

ಧರ್ಮದ ದೇವರಿಗೆ ಜಾತಿಮತಗಳ ಹಂಗಿಲ್ಲ
ಹುಸಿ ಮುಖವಾಡಗಳ ಸೋಗಿಲ್ಲ
ಅರಿವಿರದೆ ತಪ್ಪಿದರೆ ಕ್ಷಮೆಯಿಹುದಲ್ಲದೇ
ತಪ್ಪಿ ನಡೆದರೆ ಶಿಕ್ಷೆಯ ರಿಯಾಯಿತಿ ಇಲ್ಲ. 

No comments:

Post a Comment