ಬೆಳ್ಳಿ ಬೆಳಗು

ಊರುಗೋಲನೂರಿ ಮುದುಕ

ತೆವಳಿ ತೆವಳಿ ನಡೆವ ತೆರದಿ

ಇಳಿಯುತಿದೆ ಸೂರ್ಯ ಕಿರಣ

ಮಂಜು ಹನಿಯ ಭೇದಿಸಿ

ದಟ್ಟ ಮಂಜಲಿ ತೂರಿ ತಾನು

ಭೂಮಿಗಿಳಿದಿದೆ ಬೆಳ್ಳಿ ಬೆಳಗು

ಬೆಳಕ ನೀರಲಿ ಜಗವ ತೊಳೆದು

ಸೆರಗ ಹಾಸಿದೆ ಹಾಲ ಬೆಳಕು

                                              

ರಂಗು ರಂಗಿನ ರಂಗವಲ್ಲಿ

ತೋರಿ ನಲಿದಿದೆ ಜಗವು ತಾನು

ಚಂದದಿಂದಲಿ ನಗುತ ಭೂಮಿ

ನೋಡುತಿಹಳು ತೆರೆದ ಬಾನು

ಹಾರುತಿರುವ ಪಕ್ಷಿ ಸಂಕುಲ

ಹಾಡಿ ಸಾಗಿವೆ ಸೊಗಸ ಮೂಡಿಸಿ

ನೋಡುತಿರುವ ಕಣ್ಣುಗಳಿಗೆ

ವರ್ಣ ಚಿತ್ರದ ಐಸಿರಿ

ಏಳಿರೆಳಿರಿ ಎಲ್ಲ ಮನುಕುಲ

ನಸುಕು ನಿದ್ರೆಯ ಛೇಧಿಸಿ

ಭುವಿಗೆ ಮುಸುಕು ಹೊದ್ದು

ಮಲಗಿದ ಕೊರೆವ ಚಳಿಯ ಓಡಿಸಿ