ಭಾವಕೊಂದು ಬಣ್ಣಬಳಿದು ನಗುತಲಿದೆ ಈ ಮನ
ಹಲವು ವರ್ಣ ಸೇರಿಬೆರೆತ ಬಣ್ಣದೋಕುಳಿ ಜೀವನ
ನಂಬಿಕೆಯೆ
ಹಚ್ಚಹಸಿರು ನನ್ನ ನಿನ್ನ ಬಾಳಿಗೆ
ಧೃಡತೆ
ಶಕ್ತಿ ಕೇಸರಿಯೆ ಇಹುದು ನಮ್ಮ ಪಾಲಿಗೆ
ನೀಲಾಗಸ
ವೈಶಾಲ್ಯ ಕಂಗಳಲ್ಲಿ ತುಂಬಿದೆ
ಹಾಲ
ಬಿಳುಪಿಗಿಂತ ಶುದ್ಧ ನಮ್ಮ ಪ್ರೀತಿ ಅರಳಿದೆ
ಹೇಗೋ
ಏನೋ ಎಂಬ ಅಳುಕು ನಮ್ಮನಡುವೆ ಮೂಡದೆ
ಅನುಮಾನದ
ಬೂದುಬಣ್ಣ ದೂರ ಸರಿದು ಓಡಿದೆ
ರಮಿಸಿ
ಆಡುತಿರಲು ನಾವು ಕೆನ್ನೀಲಿಯ (ನೇರಳೆಯ) ರಂಗಿನಲಿ
ಕಡುನೀಲಿಯ
ಕನಸ ದೃಶ್ಯ ನನಸಾಗಿದೆ ನಿಜದಲಿ
ಪ್ರೇಮದೊಡಲು
ರಂಗೇರಿ ನಸುಗೆಂಪನು ಸೂಸಿದೆ
ಸಂತೋಷದ
ತೆಳುಹಳದಿಯು ಚಿತ್ತಾರವ ಬಿಡಿಸಿದೆ
ಹಲವು
ಬಣ್ಣ ಸಮ್ಮೇಳನ ಮಳೆಬಿಲ್ಲಿದು ಜೀವನ
ಎದೆಯಭಾವ
ರಂಗುಪಡೆದ ಬಣ್ಣಗಳ ತೋರಣ
No comments:
Post a Comment